نص جديد
هل من متابع
............الشعر وطن.............
الشعر شايل 100 كفن
فالحرف من همه اندفن
كتر الجدال والشرنقه
صاحبو المشاعر تريقه
كل الكلام صابو العفن
صلبوا الصور من غلهم
حرقو المجاز كبريت وجاز
فالانحياز كان همهم
وازاي تواري في المعاني
ازاي تعاني كلمتك
وسط البحور من غير سفن
الشعر عمره ما كان كلام
ولا عمره كان
محصور في لوم ولا انهزام
رغم انكساره ودمعته
يتواجد الشوق من هناك
فبتتكسي كل السطور من بهجته
الشعر مخلوق للتضاد
والاعتياد مش سكته
رافض لكل التقسيمات
طول عمره حر
زاجل وساخر للمات
وعمودي واصله سلطته للتفعيلات
الشعر مش مولود سفاح
ولا اصله مولود من عدم
الشعر ابن الالم وابن القلم
وابن المشاعر والامنيات
الشعر رغم انه وطن
لكنه شايل 100 كفن
علي ابوبكر
10/7/2020
ليست هناك تعليقات:
إرسال تعليق