طل الصباح......شعر غنائي
طل الصباح وزقزق العصفور
وما ضل غيم بسما ضيعتنا
ونام الحلم خلف هاك السور
وارتفعت الرايات عمطل حقلتنا
وعطراف هاك الحي زغرد التنور
وجن الفرح ببساتين ديرتنا
ورشت صبايا الحي هالمنتور
ودبكت بعرس الحب شلتنا
قومي ارقصي ياحلوتي بهالنور
ولا تتركي ظلمة الأيام تمقتنا
انت حلا انت صلا وريحة البخور
والكل يعرف طول وعمر رفقتنا
انت وانا معمدين بجرن بلور
منضل اخوي مهما الزمن فرقنا
طل الصباح وتكتك العصفور
وعشعش النور ببيوت ضيعتنا
ما اجمل الأيام بهالحلا المنظور
انشالله المحبة والسعادة والحبور
بتضل تاج يكلل هامات شلتنا
جرجس لفلوف سورية
ليست هناك تعليقات:
إرسال تعليق